والسلام عليكم ..

 

من زماااااااان ما كتبت شي ..

لكن الاختبارات وقلقهاا اشغلتناا الله يعيين ان شاء الله وننجح بدرجاات زينه بعد كل هالتعب يكفي التعب النفسي اللي جالسين نعاني منه المشكله الواحد مو ناقص بس وش نسوي ..

 

المشكله ذاكررت وخلصت واحس اني ما ذاكرت شي ابدد والاختبار يوم الاربعاء يعني باقي لي اليوم ان جاز التعبيرر باعتبار اننا دخلنا فعليااا بيوم الثلاثاء بالوقت ذا ..

اييه وبمناسبه اليوم ذا اللي يوافق الاول من شهر محرم لسنه 1427  بدايه السنه الهجريه الجديده اتمنى ان شاء الله ان يوفقناا جميعاا .. واتمنى من العلي القدير ان تكون سنه سعاده وفررح للجميع ..

 

وكل عام وانتم بخيرر ان شاء الله ..

 

الحين متوقف عن المذاكرره حتى اشعار اخررر .. لان كل المحطاات الداخليه مقفله مدري جاني شعور كئيب حتى المذاكرره مالي خلق لهاا .. مدري يمكن الظغووط والقلق النفسي هو اللي وصلني للحاله ذيي .. لكن ان شاء الله تروح الحاله ذي واراجع شوي قبل الاختبار ..

 

اييه شرايكم بالتطورات الجديده اللي زينتها الام اس ان بالسبيسس  بصراحه حلووه بس المشكله باالكومنت اللي انكتبت قبل صارت ملخبطه لاحظتوا ؟؟ بس الشغلات الثانيه حلووه رغم ان السبيس يثقل اذا فتحته يعني بطي لكن حلووه ما عليهاا

 

خلوني اوقف مع قصيده للبدرر اختم بهاا ..

 

تذكرتك .. وأبي النسيان ألايا خل ساعدني

أنا مالي ورى الذكرى .. إلى مات الأمل خيره

أنا ودي على الفرقا حبيبي لو تعاهدني

وإلى شفتك .. تصد ولاتجيب لما مضى سيره

تخيّر غير هذي الأرض .. مكانٍ به تواعدني

تخيّر لك مكانٍ صعب .. أعرف فيوم تقديره

عسى الجرح الذي يدينك أشوفه عنك يبعدني

أنا اللي أكرهك .. وأحبك .. شعورٍ صعب تفسيره

حسيبك .. يالهوى الظالم .. حسيبك لاتعاندني

بيلقى صاحبي غيري وأباالقى في العرب غير

 -

 

-----------

 

أنا ودي على الفرقا حبيبي لو تعاهدني

وإلى شفتك .. تصد ولاتجيب لما مضى سيره

 

عندي ملاحظه هنا الحين اللي يحب تتوقعون يبي ينسى اللي يحبه ؟؟ واذا يبي  بيقدر ينسى ؟؟

وفيه ملاحظه ثانيه او وجهه نظر اعتقد اللي يحب او كان يحب ما اعتقد انه وده ينسى حبيبه والايام الحلوه اللي قضوها مع بعض

 

 

بس لو لاحظتوا ببدايه القصيده وش قال  

 

تذكرتك .. وأبي النسيان ألايا خل ساعدني

 

 يقول الا يا خل يعني يننادي حبيبه  يعني مازال حبيبه رغم انه يبي ينساااه

 

 

---

 

أنا اللي أكرهك .. وأحبك .. شعورٍ صعب تفسيره

 

بصراحه ابدع في المقطع ذا .. تجي حالات الواحد ما يدري  وش شعوره ..

 

----------- 

 

 

اييه ما قلت لكم اخر يوم الاربعاء بعدها ابروح الرياض خميس وجمعه

 

 

اتمنى لكم التوفيق جميعاا ولكم التحييه

 

 

 

والسلام عليكم ..

شلووونكم جميعااا .. اكيد ما اشتقتوا لي خخخخخ

اسف على الغيبه بس ما كان فيه وقت وكنت مشغول وحالتي حاله ..

 

زين بما اني احب الشعر القديم فقلت خلني اكتب عن الشعرر واشوف رأيكم فييه

 

 

يالله سكوووووووت ندخل في الموضوع خخخخخخخ

 

 

 

بالشعر القديم روائع وكلام عذب وصور جماليه غايه في الجمال والرقه والعذوبه اللي نادر نلقهاا في شعرنا الحديث الا ما ندرر .. اطرب للشعر الجاهلي وشعر العصور الامويه والعباسيه  اعتقد ان الشعرر كان في اوجه خلال العصور هذيي طبعاا لوجود العمالقه فييه امثال امرؤ القيس وعنتره و  المتنبي والفرزدق والبحتري وجرير .. الخ هذولي المشهورين والا فييه شعراء لهم وزنهم وكلامهم القوي اللي سطره التاريخ بحروف من ذهب ..

 

ابحاول اختار بعض الابيات من اشعار الحقبه البائده ( اروح شربه على هالكلمتين خخخخخخ) 

اول ابختار بعض الابيات اللي تعجبني  من المعلقااات 

 

معلقه امرؤ القيس رائعه انا برأي افضل من البقيه (يمكن لاني حافظ منها الكثير خخخخخخ )

يقول :

 

ابقول بعض  الابيات اللي عجبتني

ففاضت دموع العين مني صبابة .. على النحر حتى بل دمعي محملي

افاطم مهلا بعض هذا التدلل.. وان كنت قد ازمعت صرمي فأجملي

أغرك مني ان حبك قاتلي .. وانك مهما تأمري القلب يفعل

وما ذرفت عيناك الا لتضربي .. بسهميك في اعشار قلبي مقتل

 

خخخخخخخخ شكلي ابكتبها كلها بس  تدرون لحظه ابدور بالنت المعلقات كامله واذا تبون تقرونها هناااك لان الموضوع احس بيطول خخخخخخخ

 

موقع ادب العرب http://www.adabularab.com/

 

ومعلقه عنتر بعد قوويه فيها غزليات قوويه ..

 

 

الحين ابختار مقطفات من الابيات اللي تعجبني من هنا وهناااك

 

  

مجنون ليلى لقيس بن الملوح

 

أعــد الليالي ليلــة بعد ليلــــــــــــة ... وقد عشت دهرا لا أعد اللياليـــــــــــا

 

هذا غنته فيروز اذكر البيت ذا باحد اغانية ( ولي فؤاد اذا ضاق العذاب به .. )

 

ابن زيدون

ودع الصبر محب ودعك .. ذائع من سره مااستودعك

يقرع السن على ان لم يكن .. زاد في تلك الخطا اذا شيعك

ياأخا البدر سناء وسنى .. حفظ الله زمانا اطلعك

وإن يطل بعدك ليلي فلكم .. بت اشكو قصير الليل معك

 

وهذي الابيات بعد غناها ابو نوره في احد موواليه

 

أبو فراس الحمداني:

ومن مذهبي حبُّ الديارِ لأهلــــها .. وللناس فـيـا يـعـشقـون مذاهـــــــبُ

 

هذي ماادري لبشار او جرير مانيب متاكد ...

ان العيون التي في طرفها حور .. قتلننا ثم لم يحيين قتلانا

يصرعن ذا اللب حتى لا حراك به .. وهن اضعف خلق الله انسانا

 

لسان الخطيب :

جادك الغيث اذا الغيث همى .. يا زمن الوصل بالاندلس

لم يكن وصلك الا حلما ... في الكرى او خلسة المختلس

.....

هذا بعد غنته فيروز في اندلسيات ...

 

فيروز غنت اشعار قديمه كثيرر  .. منها .. يا من حوى ورد الرياض بخده , ولقد ذكرت والرماح نواهل ... هذي اللي تحضرني الحيين ...

 

 ايييييييه ارجع ارجع وين رحت خخخخخخخ اييه خلونا من فيروز نرجع لمحور حديثنا

 

فييه بيت بصراحه بيت  قوي ابقوله بس ما ابشرحه خخخخخخخ اخلي الشرح لكم واذا عجزتوا راح اقوله باحد الردود خخخخخخ

 

وامطرت لؤلؤا من نرجس وسقت .. وردا وعضت على العناب بالبرد

 

البيت ذا فيه صور جماليه كثيررره يالله قولوا وش هي خخخخخخ

 

بالنهايه اتمنى ان يكون الموضوع عجبكم .. طبعا الشعر القديم صعب احصر منه شي بموضوع لكن فكره مرت براسي وحبيت اشارككم فيهاا

 

لكم التحيه ..

 

الصوره كامله هنا

 

طبعا هذا الدسك توب واذا كان كذا يعني اني ملخبط وحالتي حاله لاني العاده انظفه اول باول ما اخلي الا الريسايكل بن  والنوت بس خخخخخخ يعني اخليه فاضي تقريبا بس الحيين عندي اسايمنت وحاله فمخليه على راحته لين اخلص وارتب الملفات

 

اممممممم وش اوريكم الحين لحظه اشوف المناسب خخخخخخ

اييه ابوريكم مجلد الاغاااني عنديي منها تتعرفون على الاغاني اللي اسمعهاا طبعاا انا ما احب استمع من الموقع لازم احمل الاغنيه اول ويا كم حملت من اغااني ما خليت ولا شيي الا حملته  والمجلد ذا فيه جهد ما يقارب الخمس سنوات من البحث والتقصيي بالاغاااني اللي تعجبني طبعاا والفنانين اللي اسمعهم

 

 

مو واضحه الصوره هناا لكن افغص هنااا عشان تشوفهاا اوضح انطلق

 

زييين ابوريكم الحيين وش داخل مجلد فيروز ومحمد عبده

 

الصوره اكبر هونييييه

 

خلاص تعبت هههههههههههه من جد شغله اقعد اصور كل فولدر بالجهاز  كان ودي اوريكم ستديو الذكرياات خخخخخخخخ بس ما راح اوريكم لانه  سرررررري للغاايه

كان ودي اوريكم صورر كثيرررره من قلب الجهااز خخخخخخخخخ بس تعب واعتقد كذا كفااايه  بس ما عليه اذا فيه طلبااات لشغلات معيينه قولوا  ونايف يصور خخخخخ الا السررررري هههههههههه

 

 

يالله عشان ما تزعلوون صوره مقطعييه لعطري المفنضل خخخخخخ

 

خلاص راجعونا بكرره ان شاء الله خخخخخخخ بالختاام اتمنى ان يكوون عجبكم الموضووع 

 

لكم التحيييه والتقديررر

 

من فتره وانا افكر بالابراج وتحاليل الشخصيات اللي فيهاا واليوم مريت على سبيس "أبا" لقيت تتكلم فيه عن برجها .. قلت خلني بس اشوف وش برجيي وصفاته والشغلات ذي ..  بس بالبدايه اقولكم اني مااهتم بالشغلات ذي وتحاليل الشخصيات اللي في كل برج لاني يوم اقراها كلها احس فيها صفات مني او ما شابه ذلك ..  

وبعدين كل شخص مختلف عن الثاني حتى لو كان من نفس البرج فما نقدر نعمم ان افراد البرج الواحد متشابهين بالصفات ...

 

زين خلونا نغوووص ونبحرر في

 

برج العقررب

 

 

 

"لا بد وأن تشعر بنبرات صوت مواليد العقرب فهم يمتازون بقوة صوت تحمل الثقة بالنفس ، لا يهتمون بالمديح ولا الذم ويكرهون النفاق والتزلف ، منهم من يثقون بأنفسهم ويعرفون قيمتهم ومقدارهم جيدا "

 

 

 

 

رحت بعض المواقع ولقيت بعض الشغلات ابعلق على بعضها واترك لكم الموقع اذا تبون تتطلعون عليهاا

 

 

الكوكب –المريخ

عاد تدرون اني احب ان اقرا عن كوكب المريخ (الكوكب الاحمر) خخخخخخ

 

 

الاعمال الملائمة:  أطباء- محققين- علماء بيئة- مهندسين- عملاء سريين

 

اما طبيب عااد من حبي للمستشفيات والا عميل سري خخخخخخخخ مستر اكس خخخخخ اقول اها بس مهندس يمكن يجيي هههههههههه

 

الشخصية: صاحب عزيمة- قوي- عاطفي- ذو حدس- ذو طاقة - مثير - شخصيته جذابة- كتوم للأسرار

 

ايييه دايم اعزم الشباب خخخخخخخ ووعافطي وحساس بعد خخخ اما الحدس فحدث ولا حرج اعرف الشخص من اول نظره خخخخخخ اقول انطم بس 

 

سلبيات: كثير الرفض- يحب السيطرة - محب للتملك- غيور -عنيد.

 

اييه ما اقول نعم كله لا  واحب اسيطر على كل شييي وابي كل شي لييي خخخخخخخخ واغار من نسمة الجنوب على محيااك يا حبيبي

 

العقرب والحب  مظلم وغامض   وهو بما أنه ممزوج بجاذبية شخصية لا تقاوم فسيولد سحراً لدى الجنس الآخر

هذا انا  خخخخخخخخخخخخ

 

 

المقطع الجاي احسن شيي بالعالم خخخخخخخخ

المشاهير

فيروز , انديرا غاندي, نايف و فرانسو ميتران , الامير تشارلز

 

بالنهايه مثل ما قلت ما اهتم بالابراج والتحاليل اللي تقدمه لان كل شخص له وضعه وشخصيته اللي تختلف من شخص لشخص يمكن بالتحليلات ذي يعطون بعض النقاط بس ولو اتوقع لو اروح اشوف برج ثاني ابلقى بعض الصفات مطابقه لصفاتي

 

يالله كل واحد يقول لنا وش برجه خلنا نحلل شخصيته خخخخخخخخ  اييه نسيت اعطيكم المواقع

http://www.arabhaz.com/index.htm

http://www.ghaaly.com/pro/aprag.htm

وهذا برجي

http://www.arabhaz.com/scorpio.htm

 

لكم التحيه

 

 

أفواه وأرانب

 

كالعاده حاولت انام ما جاني نوم جيت للمسنجر والا هو خاوي على عروشه خخخخخخخخخخخ ما لقيت احد يستاهل اتبادل معه اطراف الحديث .. المهم قلت خلني ارصككم بذا البلوك خخخخخخخ اقصد ذا البلوق اطرح لكم اللي يخالجني واللي يدور في ذهني

 

والسالفة طال عمرككم ( تتحول الشاشه الى شاشه مغيمه ) اصلح مخرج صح خخخخخخخخ اقصد بالشاشه المغيمه الحين بالافلام او المسلسلات اذا جاء الواحد يتذكر موقف بالماضي مثلا تتغير الشاشه ويقعد يتذكر بالموقف خخخخخخخخخخخ مدري فهمتوا والا ما فهمتوا المهم خذوا السالفة

 

 

من زمااان ما تابعت أفلام عربيه أو بالأحرى مصريه  اذكر اخر مره تابعت فلم عام الف واربعميه وحجر خخخخ  اعتقد قبل خمس سنوات كنت مدمن افلاااام اللي يجي ابيض واسود ملوون ما عندي أي مشكله اعتقد اني شفت 70 بالميه من الافلام هذي يعني باقي لي 30 بالميه خخخخخخخخخخخخخخ  اول فلم اذكرره شفته وانا عمري حوالي سبع سنوات في فديوو من اللي ينفتح الباب من فوق خخخخخخ اذكر قصته وهي ان اب مريض وراحت بنته الصغيره تشتري له علاج ويوم اخذت البنت العلاج من الصيدليه اكتشف الصيدلاني انه اعطاها وصفه غلط عاد بدت بالفلم رحلة البحث عن الفتاه طبعا بالنهايه لحقوا عليه قبل ما ياخذ العلاج  كانت هذي مقدمه أوليه خخخخخخخخ 

وهذي مقدمه ثانيه خخخخخ تحملوا عاد اول مره اشوف موضوع فيه اكثر من  مقدمه خخخخخخ المهم  قبل فترة تابعت فلم افواره وارانب بطوله فاتن حمامه ( كانت شي الوقت ذاك بس ما تصف شي عند سعاد حسني (الله يرحمها) ) وعندي شغله ابي اقولها عنها وهي انها صراحه عرفت شلون تختفي وترجع مو مثل الممثلين اللي كانوا اول ابطال مثل كمال الشناوي ومريم فخر الدين والشله ذي والحين زين ان عطوهم كمبارس  اقول الفلم بطولة فاتن حمامه ومحمود ياسين الفلم بشكل عام يتكلم عن فتاة من الريف ودخلت حياة محمود ياسين المحامي اللي من فتره لفترة يجي للريف واعجب بفاتن حمامه وتخلى عن خطيبته وحبها وقرر يتزوجها  بعد ما كانت تشتغل عنده كخادمه طبعا الفلم قاعد يصور نظره المجتمع لمثل العلاقه هذي ان الغني يتزوج الفقيره  خخخخخ وش رايكم اعطيكم القصه كاملة بس زين بسم الله

 

لا تصدقوون ابنتقل للموضوع الرئيس ( على فكره الرئيس اصح من الرئيسي)

 

الموضوع هو تأثير الافلام وكيف تصور الاوضاع اول طبعا الفلم قديم شوي يعني اعتقد قبل اكثر من 15 سنه لكن الواحد وهو يتابع الفلم يحاول يتعايش مع الوقت اللي كان فيه الفلم يشوف شلون الناس بالشوارع شلون الاوضاع اول اعتقد الافلام المصريه قدرت تعطي المشاهد العربي فكره عن مجتمعهم وحضارتهم مثل ما قدرت فيروز وبصوتها فقط تمثل لبنان طبعا فيه فرق بين الشغلتين لكن الهدف واحد وهو تعريف العالم بدوله.

والشي هذا اللي اعتقد انه قليل عندناا..

 

--------> مداخله مدري وش تبي:

يعجبني في الافلام القديمه وهي الاغاني القديمه تطربيني وادخل عالمها مهما كانت ادري بتقولون مزاجك مدري شلوون جاي بس عاد وش اسوي خخخخخ ومن فلم افواه وانارب اقصد ارانب نختار لكم المقطوعه التاليه:

توته توته  على ما تخلص الحتوته

وحيبقى بكره اجمل

وبعدو وبعدو اجمل

والخير بهم يزيد

والسلام عليكم

 اما بعد:

بحفظ الله ورعايته وصلنا من الرياض خخخخخخخخخخ  ---> مب عاقل

اكييد اشتقتوا لي خخخخخ ( اها بس اها بس خخخ) يالله ما علييه اهم شي رجعت لكم بالسلامه بعد قضاء فترة نقاهه في ربوع مدينه الرياض المكتظه بالسكان والسيارات اللي اعتقد تزيد 6545454 سياره بالدقيقه  من جد انواااع الزحمه ( ما يطيييق الزحمه) 

 

وصلت الرياض يوم الاربعاء حوالي الساعه ثلاثه الحمد لله الطريق صفطنااه  ثلاث ساعات تقريبا ولا قسيمه سرعه ولا شي ولله الحمد المره ذي عدت سليمه خخخخخخخ عاد يوم وصلت توقعت يعني ما يكون فيه زحمه يعني الساعه ثلاثه من اللي بيطلع الوقت ذا ؟؟ لا اسواق فاتحه ولا محلات فاتحه يعني ما ادري وش السالفة زحممممممه وحاله المهم وصلت للبيت ولقيت الاهل والبزران ينتظروني خخخخخخ ( مسوي جاي من جنيفا لاحظوا الاف باخر جنيف خخخخخخخخخخخ ) المهم لقيت البزران اللي نام من طول الانتظار واللي ما زال يصارع من اجل البقاء خخخخخخخ

عاد سلمت عليهم وكنت منهك لاني ما نمت الا ثلاث سااعاات فقلت الصباح نشوف البزران ونفلها معهم  ( ما تلاحظون اني جالس اقص قصة حياتي خخخخخخخ ) 

المهم ما علينااا كانت اجازه حلووه ارتحت فيها شووي  ونرجع للدوام لين العيد وناخذ بعد اجازه ويالله خلونا نفلهاا شوي ونريح ونعيد

 

 

وتقبل التحييه المعهوده والمرصعه بالورود والزهور

اليوم اول يووم من ايااااام شهرر رمضااااااان

 

 

وبالمناسبه ذي حبيت اباااااااارك لكم الشهرررر وكل عاااااااااام وانتم بخيرر  ونسئل المولى عز وجل ان  يرزقنا حسن الصيام والقيام

 

ونستقبل التهااااني والتبرييكااات على هذا السبيس المتوااضع

 

 

وكل عام وانتم بخيرر ان شاء الله

    

 

والسلام عليكمم

 

في البلوق ذا قلت خلني اكتب عن فيروز  واكيييد كلكم تعرفون فيروز تعرفونها من صووتهااا واغانيها بالرغم انها مقله بالوقت الحالي او من فترره بالظهور كعادة الكبار يمكن لها اسبابها وابحاول اسلط الضوء ---- بس حلوه اسلط الضوء تحسون اني جالس اقدم نشرة اخبار خخخخخخ

 

المهم نرجع لفيروز طبعاا عمرهااا الحين اعتقد والله العالم انه فوق الستين ان لم يكون في السبعيناات لكن صوتها نفسه ما تغيرر باخر شريط لهاا قبل تقريبا اربع سنوات ( بيدكر الخريف) طبعاا لها بعض الحفلات بالسنوات الاخيررة لكنهاا ما سجلت بالتلفزون برغبه منهااا ... وهي كعادتها ما تحب الظهور لوسائل الاعلام الا نادراا

 

 

نرجع وراااااا ونتكلم عن بداياتهااا مع الفن .. اولا هي اسمهاا نهاد حداد , ومدري منو اللي عرض عليها ان تغير اسمهاا وتختار اسم فني المهم  حط لها خيااارين الا وهمااا شهرزاد والثاني فيروز عااد هي اختارت فيروز وانشهرت به بالرغم انها غنت بعديين غنيه اسمها ( انا شهرزاد) يمكن حنت للاسم ذا وقالت خلني اغني له..

 

 

المهم بعدها التقت بالاخوان رحباااني اللي هم منصور وعاصي .. عااد عاصي من شافها يقولون ان ما هضمهاا وكان له ملاحظات على صوتهاا لكن شوي شوي الرجال حبهااا وتزوجهااا  المهم من تقابلوا الاخوان رحباااني وفيروز انتجوا كم هائل من الاغاني والمسرحيااات اللي مازالت عالقه بالاذهاان وكان لهم فنهم الخاص  طبعاا اشترك معهم ملحنين وشعراء كثيرر بالاوقات هذييك ..

 

من اولاد فيروز اللي اشتهروا زياد الرحباني اللي حاولت فيروز انها تشهره وتخليه يكتب لها ويلحن لهاا اغانيها بالفتره  اللي راحت

 

انفصلت فيروز عن الرحابه بعد مووت عاصيي او بالاحرى خلاص مات عاصي وبقي منصور لوحده .. عاد بعد موت عاصي تأثرت فيروز كثيررر وكان واضح على انتاجهااا الفني .. وطلعت لها شريط فيما بعد وسمته الى عاصي ..

 

طبعاا فيروز حاولت ايضا ان تشهر اختهاا هدى وخلتها تشارك معها في بعض افلامهاا ومسرحايتهاا بس هدى صووتهاا حلووو بعد لكن اغانيها قليله

وهذي صورتها

 

مثلت فيروز تقريبا ثلاث افلام وهي ( بياع الخواتم للمخرج يوسف شاهين , سفربلك ( اسم قريبه ) وبنت الحارس )

والمسرحيااات مثلت كثيرررررررررر  ومنها على سبيل المثال لا الحصر ( هاله والملك , لولو , ميس الريم ,,, ) وفي المسرحياات ذي سطررت اروع الاغااني اللي مازالت عالقه بالاذهان ..

 

بالفترة الاخيرره قل نشاط فيروز يعني يمكن بالسنتين او الثلاث تغني بحفله وبشروطهاا طبعاا يعني تطلب ما يقارب بالمليون دولار بس عشان تحي حفله .. وتمنع التصوير بحفلاتها !!

 

لفيروز وقفه امام الكميرا ( في مسرحيتها الغنائيه) او المسرح وقفه مافيه مثلهاا تحس انها توقف من اجل الغنيه مو مثل مطربي الايام ذي وكل حركه لها بالمسرح تحسب لها الف حساب

 

تعتبر رمز للوطنيه ..  ويقال انها ما تركت لبنان ابان الاجتياح الاسرائيلي لبيروت وظلت صادمه .. غنت لوطنها اغاني كثيرره وكذلك غنت لمعظم الدول العربيه وغنت لمكه وكرمت من دول كثيرره بعد ..

 

 

كانت هذه نبذه مختصره عن الفيروز

 

 

 

ولكم التحيه

 

 

--XNaiF--

 

 

--البدر--

هم

يافؤادي هم 

بالوتر  بالشادي
بالزهر    بالوادي
هم

يامساالحب    ياالدنيا    يامسا الحب
ليلنا حب    ياالدنيا     ليلنا حب
لبست الضي الشوارع     والدروب
والمباني     شامه في خد الغروب
والمدنيه   غادةٍ     حسنا   لعوب
هم     يافؤادي هم
اعطني زهره   وانا ابيع الظلام

واشتري للحرب      سربٍ من الحمام
من يعيش فـ حب     بيموت بسلام

وهم    يافؤادي هم

 

-- البـــــدر --